Սույն Սոցիալական նախաձեռնության կողմերը՝

Սույն Սոցիալական նախաձեռնության կողմեր են հանդիսանում. Ընկերությունը` «ՎԱՐԿՍ ԷՅ ԷՄ» ՈՒՎԿ ՓԲԸ-ն (ՀՎՀՀ` 02654818), ով սույն Սոցիալական նախաձեռնության պայմաններին համապատասխան իրականացնում է նախագծեր: Մասնակիցը` Հայաստանի Հանրապետության կամ ԼՂՀ քաղաքացի հանդիսացող ֆիզիկական և Հայաստանի Հանրապետությունում կամ ԼՂՀ-ում գրանցված և գործունեություն իրականացնող ոչ առևտրային իրավաբանական անձինք են, ովքեր  www.barigortser.am  կայքում ներկայացնում են պահանջվող ճշգրիտ տեղեկատվությունը իրենց և նախագծի վերաբերյալ: 

«Վարկս Էյ Էմ» ՈՒՎԿ ՓԲԸ-ն պատրաստ է ֆինանսական աջակցություն ցուցաբերել այն նախագծերի իրականացմանը, որոնք՝

․ չեն հետապնդում որևէ առևտրային նպատակ և/կամ անձնական շահ,

․ ունեն հանրային նշանակություն, նպաստում են կրթության, մշակույթի, սպորտի և/կամ շրջակա միջավայրի բարելավմանը,

․ ձևավորում են ազգային ժառանգություն և նպաստում Հայաստանի Հանրապետության/ԼՂՀ որոշակի տարածքի բարօրությանը և/կամ վերջինիս բնակիչների կենսամակարդակի բարելավմանը,

․ նպաստում են կրթական հաստատությունների զարգացմանը՝ ստեղծելով գիտելիքների ձեռքբերման և աշխարհընկալման առավել մոտիվացիոն միջավայր (կրթօջախների անհրաժեշտ գույքի ձեռքբերում, տարածքի բարելավում),

․ նպաստում են կրթության, մշակույթի, սպորտի զարգացմանը, երեխաների, երիտասարդության և մեծահասակների հետաքրքրության շրջանակների ընդլայնմանը,

․ նպաստում են շրջակա միջավայրի (մարզումների և խաղային հրապարակներ, հանգստյան գոտիներ, այգիներ) բարեկարգմանը, որոնք ազատ են հանրության համար,

․ համապատասխանում են կիրառելի իրավական ակտերի պահանջներին:

․ Նախագծի  իրագործման ընդհանուր արժեքը չի գերազանցում 1.500.000 (մեկ միլիոն հինգ հարյուր հազար) ՀՀ դրամը և անհրաժեշտ պայման է, որպեսզի նշված գումարը բավարար լինի Նախագծի ամբողջությամբ իրականացնելու, ավարտելու և շահագործումն ապահովելու համար:

․ Նախագիծը իրագործվելու է 3 (երեք) ամսվա ընթացքում ՝ այդպիսին ընտրվելու պահից:

Նախագծի` սույն Սոցիալական նախաձեռնությանը համապատասխանությունը գնահատելիս կարևորվում են նաև հետևյալ գործոնները.

․ Նախագծի դերը Հայաստանի Հանրապետության/ԼՂՀ և/կամ վերջինիս առանձին տարածաշրջանի զարգացման գործում,

․ Նախագծի նշանակությունը Հայաստանի Հանրապետության կամ ԼՂՀ բնակչության և/կամ վերջինիս առանձին հատվածի զարգացման գործում ,

․ Նախագծի անհրաժեշտության հիմնավորվածությունը,

․ Նախագծի հստակ և վերջնական արդյունքի առկայությունը,

․ Նախագծի նպատակները, իրագործման պայմանների հստակ ձևակերպված, հիմնավորված և փաստացի ռեալ իրագործելի լինելը,

․ Նախագծի բյուջեի պլանավորման համաչափությունը, հիմնավորվածությունը և համարժեքությունը ՝ գործող շուկայական պայմաններին  (հիմնվում է տարբեր մատակարարների առաջարկների վրա),

․ Նախագծի արդիականությունը և յուրահատկությունը:

Քվեարկությանը չեն կարող մասնակցել այն Նախագծերը, որոնք .

․ Որևէ կերպ կապված են առևտրային գործունեության կամ շահույթ ստանալու հետ,

․ Ունեն քաղաքական, ռազմական կամ կրոնական ուղղվածություն,

․ Կապված են առողջապահության կամ բժշկական ծառայությունների հետ,

․ Կապված են առանձին անհատների՝ մասնավորապես որոշակի նախագծերում վերջիններիս մասնակցության ծախսերի ֆինանսավորման հետ,

․ Կապված են անշարժ գույքի, տրանսպորտային միջոցների վարձակալության, վառելանյութի ձեռքբերման կամ վերջիններիս առնչակից այլ ծախսերի հետ (բացառիկ դեպքերում կարող են թույլատրվել` հիմք ընդունելով սույն Սոցիալական նախաձեռնության նպատակները),

․ Ուղղված են Հայաստանի Հանրապետության/ԼՂՀ որոշակի տարածքի բարօրությանը և/կամ վերջինիս բնակիչների կենսամակարդակի բարելավմանը, սակայն արդեն մեկ անգամ ստացել են ֆինանսավորում այս Նախագծի շրջանակներում կարող են կրկին չֆինանսավորվել։։

Նախագծերի ներկայացման պայմանները և ժամկետները.

Նախագիծը ներկայացվում է էլեկտրոնային տարբերակով՝ www.barigortser.am հղմամբ՝ հասանելի մասնակցության հայտի լրացմամբ, նախագծերի ներկայացման 8-րդ փուլը տեղի է ունենալու 01․02․2019 թվականից մինչև 15․02․2019 թվականը ժամը 18․00-ն, որում պարտադիր անհրաժեշտ է լրացնել հետևյալ տեղեկատվությունը (որոնց բացակայության դեպքում նախագիծը չի դիտարկվի հաջորդ փուլի համար)․

․ Նախագծի նախահաշիվ,

․ Նախագծի վերաբերյալ լուսանկարներ և տեսագրություններ:

 Նախագիծը համարվում է ներկայացված և ստացված ՝ Էլեկտրոնային փոստի հասցեին դրա ստացումը հավաստող հաղորդագրության ստացմամբ : Սույն Սոցիալական նախաձեռնության շրջանակներում Մասնակցի հետ հաղորդակցումը իրականացվելու է մասնակցության հայտի լրացմամբ նրա կողմից տրամադրված էլեկտրոնային փոստի հասցեի (Էլեկտրոնային փոստ) և/կամ հեռախոսահամարի (Հեռախոսահամար) միջոցով:

Նախագծերի ներկայացման ութերորդ փուլը տեղի է ունենալու 01․02․2019 թվականից մինչև 15․02․2019 թվականը ժամը 18․00-ն։

Յուրաքանչյուր Մասնակցի կողմից յուրաքանչյուր քվեարկության շրջանակներում կարող է ներկայացվել միայն մեկ Նախագիծ: Նախագծի ներկայացմամբ այն ներկայացնող Մասնակիցը հավաստում է, որ համաձայն է իր անվան, ազգանվան, հայրանվան, հասցեի, Նախագծի վերաբերյալ տեղկությունների, լուսանկարների և տեսագրությունների հրապարակմանը: Մասնակցի կողմից տրամադրված տեղեկատվությունը օգտագործվելու է սույն Սոցիալական նախաձեռնության նպատակների շրջանակում, չի տրամադրվելու երրորդ անձանց, բացառությամբ այն դեպքերի, երբ վերջինս անհրաժեշտ է սույն Սոցիալական նախաձեռնության նպատակների իրագործումն ապահովելու համար: Մասնակցի կողմից տրամադրված տեղեկատվությունը կարող է օգտագործվել նաև մարկետինգային առաջարկներ, առևտրային և գովազդային ծանուցումներ ուղարկելու համար՝ կապված սույն Սոցիալական նախաձեռնության, ինչպես նաև Ընկերության կողմից առաջարկվող ծառայությունների հետ:

Նախագծի ընտրությունը

Նախագծի ընտրությունը բաղկացած է երկու մասից.

․ Ընկերության կողմից Նախագծի` սույն Սոցիալական նախաձեռնությանը համապատասխանության գնահատում և քվեարկությանը մասնակցության հաստատում

․ Հրապարակային բաց անվճար քվեարկություն:

Ութերորդ փուլի առաջին մասն իրականացվելու է 16․02․2019 թվականից մինչև  28․02․2019 թվականը։ Նախագծի հետ կապված լրացուցիչ հստակեցումների համար Ընկերությունը կարող է կապ հաստատել Մասնակցի հետ և պահանջել լրացուցիչ տեղեկություններ: Մասնակիցը կրում է վերջիններիս ոչ պատշաճ ներկայացումից բխող ռիսկերը: Ընկերությունն իրավունք ունի չհաստատել ցանկացած Նախագծի մասնակցություն քվեարկությանը, որն իր գնահատմամբ չի համապատասխան սույն Սոցիալական նախաձեռնության էությանը: Ընկերության կողմից Նախագծի մասնակցությունը քվեարկությանը համարվում է հաստատված ՝ Էլեկտրոնային փոստի հասցեին քվեարկությանը մասնակցությունը հաստատող հաղորդագրության և/կամ Հեռախոսահամարին հեռախոսազանգի ստացմամբ:

Յուրաքանչյուր քվեաշրջանի ընթացքում քվեարկության է ներկայացվում առավելագույնը 30 Նախագիծ (հիմք ընդունելով ներկայացման հաջորդականությունը): Արդյունքում, ներկայացված և հաստատված, սակայն առաջիկա քվեաշրջան(ներ)ին չմասնակցած Նախագծերը, համարվելով Նախագծի ընտրության առաջին մասին համապատասխանող, մասնակցում են քվեարկության հետագա քվեաշրջանների ընթացքում: Վերջինիս վերաբերյալ ևս Մասնակիցը տեղեկացվում է: Քվեարկությանը մասնակցող Նախագծերը հրապարակվում են Ընկերության www.barigortser.am կայք էջի համապատասխան էջում:

Հրապարակային քվեարկություն

Նախագծերի հրապարակային անվճար քվեարկությունն իրականացվելու է www.barigortser.am  կայքում ՝ քվեարկության հասանելի տեսակներով։ Վեցերորդ քվեաշրջանի քվեարկությունը տեղի է ունենալու 28․12․2018 թվականից մինչև 31․01․2018 թվականը ժամը 23։59, յոթերորդ քվեաշրջանի քվեարկությունը տեղի է ունենալու 01․02․2019 թվականից մինչև 28․02․2019 թվականը ժամը 23։59, ութերորդ քվեաշրջանի քվեարկությունը տեղի է ունենալու 01․03․2018 թվականից մինչև 31․03․2019 թվականը ժամը 23։59։

․ Քվեարկությանը մասնակցում են Ընկերության կողմից հաստատված Նախագծերը:

․ Ընտրված համարվում են և ֆինանսավորվում հրապարակային բաց անվճար քվեարկության արդյունքներով առավելագույն ձայներ ստացած 3 (երեք) Նախագծեր։ Յուրաքանչյուր քվեաշրջանի արդյունքները հրապարակվելու են  www.barigortser.am կայքում՝ քվեարկության ձայների ուսումնասիրման աշխատանքների ավարտից հետո: Ընտրված Նախագծերը` որևէ պատճառով ֆինանսավորում չստանալու դեպքում  փոխարինվելու են քվեարկության արդյունքում հաջորդ առավելագույն ձայներ ստացած Նախագծերով:

․ Ընկերությունը կապ է հաստատում ընտրված Նախագծերի Մասնակիցների հետ՝ սույն Սոցիալական նախաձերնության շրջանակներում հետագա գործընթացը կազմակերպելու համար:

․ Ընկերության մոտ քվեարկության պատշաճության մասով կասկածներ առաջանալու և/կամ այլ պատճառներով ընտրված Նախագծերի  հրապարակման նշված ժամկետները կարող են հետաձգվել:

․Ընկերությունը պատասխանատվություն չի կրում քվեարկության եղանակների համար և/կամ Նախագծերի, դրանց վերաբերյալ տրամադրված տեղեկատվության հավաստիության համար. անբարեխիղճ քվեարկության և/կամ ոչ հավաստի տեղեկատվության տրամադրման և/կամ վերջինիս որևէ կասկածի դեպքում Ընկերությունն իրավասու է ցանկացած ժամանակ հեռացնել քվեն (ձայնը), համապատասխանորեն վերահաշվարկել ձայները և/կամ հեռացնել Նախագիծը քվեարկությունից և/կամ չտրամադրել ֆինանսավորում (ձայների վերահաշվարկի հետ առնչվող աշխատանքների հետ կապված, ֆինանսավորվող նախագծերի հրապարակման ժամկետները կարող են փոփոխվել): Ընկերությունը չի կրում վերջինիս արդյունքում համապատասխան Մասնակցին որևէ կերպ ծանուցման պարտականություն:

․Սույն Սոցիալական նախաձեռնության հետ կապված հարցերի դեպքում կարելի է դիմել Ընկերությանը (երկուշաբթիից ուրբաթ) աշխատանքային օրերին՝ ժամը 9:00-18:00` +374 12 700 000 հեռախոսահամարին զանգահարելու միջոցով:

Նախագծի ֆինանսավորումը

․Մեկ Նախագծին տրամադրվող հնարավոր ֆինանսավորման առավելագույն չափը կազմում է 1.500,000 (մեկ միլիոն հինգ հարյուր հազար) ՀՀ դրամ ՝ կիրառելի բոլոր հարկային, վարչական, ռեսուրսային ծախսերի ներառմամբ:

․Նախագիծը պետք է այնպիսին լինի, որ առավելագույն ֆինանսավորման չափը չգերազանցող և Մասնակցի կողմից ներկայացվող ֆինանսավորման սահմաններում (որը Ընկերության կողմից կարող է վերահաշվարկվել) այդպիսին ընտրվելուց հետո եռամսյա ժամկետում այն ամբողջովին իրագործվի:

․Ընկերությունը փոխանցում է համապատասխան ֆինանսական միջոցները`ներկայացվող հաշիվ ապրանքագրերի հիման վրա: Վերջիններս ներկայացվում են Մասնակցի կողմից կանխավ ներկայացված Նախագծի իրագործման նախահաշվի սահմաններում:

Այլ պայմաններ

․Ընկերությունն իրավասու է ցանկացած ժամանակ փոփոխել սույն պայմանները, ներառյալ՝ քվեարկության ժամկետները, ֆինանսավորման առավելագույն չափը ՝ այդ մասին հրապարակելով www.barigortser.am կայքէջում:

․Ընկերությունն իրավասու է Մասնակցից պահանջել լրացուցիչ տեղեկատվություն: Մասնակիցը կրում է պատշաճ չտեղեկացնելուց բխող հնարավոր ռիսկերը:

․Ընկերությունն իրավասու է հրապարակել և/կամ գովազդել տեղեկատվություն սույն Սոցիալական նախաձեռնության, նրա Մասնակիցների և Նախագծերի մասին:

․Ընկերությունն իրավասու է առանց լրացուցիչ պատճառաբանության արգելել և/կամ սահմանափակել և/կամ մերժել որևէ անձի և/կամ Նախագծի մասնակցությունը սույն Սոցիալական նախաձեռնությանը: 

Ընկերութուն. «ՎԱՐԿՍ ԷՅ ԷՄ» ՈՒՎԿ ՓԲԸ

«ԲԱՐԻ ԳՈՐԾԵՐ» Սոցիալական նախաձեռնություն

Հեռ.՝ +374 12 700 000

Հասցե ՝  ՀՀ ք. Երևան, Սարյան 12